खिरोदा – तक्रारदार यांची वडीलोपार्जीत शेती खिरोदा तलाठी कार्यालयाचे हद्दीमध्ये आहे. तक्रारदार यांचे मोठे भाऊ मयत झालेले असल्याने सदर शेत जमीनीचे ७/१२ उताऱ्यावर मयत भावाची पत्नी व मुलगा यांचे नावे वारस म्हणून नोंद घेण्याच्या मोबदल्यात तक्रारदार यांचेकडे तलाठी प्रमोद प्रल्हाद न्हायदे व कोतवाल शांताराम यादव कोळी यांनी ४,०००/रु.लाचेची मागणी केली. सदर मागणी केलेली लाच रक्कम तलाठी प्रमोद प्रल्हाद न्हायदे यांनी कोतवाल शांताराम यादव कोळी यांच्या उपस्थितीत पंचासमक्ष स्वतः तलाठी कार्यालय खिरोदा येथे स्वीकारली. तलाठी प्रमोद प्रल्हाद न्हायदे व कोतवाल शांताराम यादव कोळी यांना एसीबी जळगाव येथील उपअधीक्षक शशिकांत पाटील यांच्या पथकाने लाच स्वीकारताना रंगेहात पकडण्यात आले.याप्रकरणी सावदा पोलीस स्टेशन येथे गुन्हा दाखल करण्यात येत आहे.
