जळगाव – येथील महाराष्ट्र प्रदुषण नियंत्रण मंडळाच्या क्षेत्र अधिकाऱ्यास खाजगी पंटर च्या हस्ते 15 हजारांची लाच घेतांना जळगाव लाचलूचपत प्रतिबंधक विभागाच्या पथकाने पकडले असून राजेंद्र पांडुरंग सुर्यवंशी, क्षेत्र अधिकारी, वर्ग-०२,व मनोज बापु गजरे खाजगी इसम, असे नावे असून त्यांना लाच घेतांना पकडल्याने लाच खोरांच्या गोठ्यात एकच खडबळ उडाली आहे.
यातील तक्रारदार हे रावेर येथील एका हॉस्पिटलमध्ये मॅनेजर या पदावर काम करीत असुन त्यांच्या हॉस्पिटलचे मालक यांनी दि. १६/०३/२०२५ रोजी हॉस्पीटलच्या बायोवेस्ट संबंधीचे प्रमाणपत्र मिळविण्यासाठी महाराष्ट्र प्रदुषण नियंत्रण मंडळ, जळगांव येथे अर्ज केला असता सदर अर्ज हा राजेंद्र पांडुरंग सुर्यवंशी, क्षेत्र अधिकारी, वर्ग-०२, यांनी अर्जात त्रुटी काढल्या होत्या. त्यांनतर त्यांनी सदर प्रमाणपत्र मिळविण्यासाठी महाराष्ट्र प्रदुषण नियंत्रण मंडळ, नाशिक कार्यालयात अर्ज करून सदरचे प्रमाणपत्र २८/०८/२०२५ रोजी प्राप्त केले आहे. परंतु त्यांनी महाराष्ट्र प्रदुषण नियंत्रण मंडळ, जळगाव कार्यालयात केलेला अर्ज काढुन घेण्यासाठी तक्रारदार हे दि. ११/०९/२५ रोजी कार्यालयात गेले होते. त्यावेळी महाराष्ट्र प्रदुषण नियंत्रण मंडळ, जळगाव कार्यालयातील राजेंद्र पांडुरंग सुर्यवंशी, क्षेत्र अधिकारी, वर्ग-०२, यांची भेट घेतली असता नमुद प्रमाणपत्र मिळण्याकरीता केलेला अर्ज रिजेक्ट करण्याकरीता १५,०००/- रूपये लाचेची मागणी केली. परंतु तक्रारदार यांची लाच देण्याची इच्छा नसल्याने त्यांनी दि. २३/०९/२०२५ रोजी लाप्रवि., जळगाव येथे लेखी तक्रार दिली. त्याप्रमाणे प्राप्त तक्रारीची पडताळणी केली असता, क्षेत्र अधिकारी, वर्ग-०२, यांनी तक्रारदार यांच्याकडे १५,०००/- लाचेची मागणी करून, मनोज बापु गजरे (खाजगी इसम) यांना देण्यास सांगितले.त्याप्रमाणे आज रोजी दिनांक २४/०९/२०२५ रोजी सापळा कारवाई दरम्यान राजेंद्र पांडुरंग सुर्यवंशी यांनी तक्रारदार यांना मागणी केल्याप्रमाणे १५,०००/-रू. लाच रक्कम मनोज बापु गजरे (खाजगी इसम यांनी स्वीकारली, म्हणुन राजेंद्र पांडुरंग सुर्यवंशी व मनोज बापु गजरे (खाजगी इसम) यांचेविरूध्द गुन्हा दाखल.
त्याचप्रमाणे सदर कार्यालयात सापळा कारवाई दरम्यान त्याच्या हँडबॅग मध्ये 2,26,000/- रुपये रोख रक्कम देखील मिळून आली असल्याची माहिती जळगाव एसीबी यांचे कडून मिळाली.
सदर कारवाई
जळगाव एसीबी चे पोलिस उप अधिक्षक, योगेश ठाकूर, हेमंत नागरे, पोलिस निरीक्षक, पोना/बाळु मराठे, पोशि/ भुषण पाटील यांनी केली.
