रावेर वनविभागाची कारवाई अवैध सागवान तस्करी करणारे वाहन पकडले…
सावदा – वनविभागाची पुन्हा सावदया जवळ विनापरवाना सागवान वाहतूक करणाऱ्या वाहनावर कारवाई दि.27 रोजी रात्री 11.00 वाजेच्या सुमारास वनपरिक्षेत्र अधिकारी रावेर यांना मिळालेल्या गुप्त बातमीनुसार सावदा ते तांदळवाडी रस्त्याने गस्त करीत असताना मौजे तांदळवाडी गावाजवळ महिंद्रा कंपनीची बोलेरो पिकप संशयास्पद आढळून आली त्या वाहनाचा पाठलाग सदर टीमने केला. सदर वाहनाचा वाहन क्रमांक MH 04 GF-7263 या मालवाहतूक गाडीची तपासणी केली असता त्यात 25 साग इमारती नगांचा माल आढळून आला. माला विषयी वाहन चालक युवराज सिताराम तायडे यांना माला विषयी लागणाऱ्या परवान्याची विचारणा केली असता त्यांच्याकडे कुठलाही परवाना नसल्याचे सांगितले, सदर सागवान इमारती मालाचे मोजमाप रावेर आगार डेपो येथे वाहन चौकशी दरम्यान घेण्यात आले .
सदर मोजमाप =1.221 घ. मी. एवढी असून मालाची किंमत= 43116रुपये असून. ताब्यात घेतलेल्या महिंद्रा कंपनीच्या पिकप गाडीची किंमत अदमासे=3,45,000 सदर गाडीतील सागवान इमारती लाकूड व वाहनाची एकूण किंमत=3,88,116 एवढी असून सदरील वाहन व त्यामधील सागवान इमारती लाकूड अवैधरित्या वाहतूक करताना रंग्गेहात पकडल्याने भारतीय वन अधिनियम 1927 चे कलम-41(2) ब,42,52 या कलमांचे उल्लंघन झाल्याने आगार रक्षक रावेर यांच्याकडील प्रथम रिपोर्ट क्रमांक 02/2025 दिनांक 27/01/2025 रोजी गुन्हा जारी केला. तसेच पुढील चौकशी कामे सदर वाहनआगार डेपो रावेर या ठिकाणी जमा करण्यात आले आहे.
सदरची कारवाई ही जमीर शेख उपवन संरक्षक, यावल वन विभाग जळगाव, आर.आर.सदगीर विभागीय वन अधिकारी (दक्षता) धुळे तसेच प्रथमेश हडपे सहाय्यक वनसंरक्षक चोपडा व समाधान पाटील साहेब सहायक वन संरक्षक यावल वन विभाग जळगाव यांच्या मार्गदर्शनाखाली सदरची कारवाई ही वनपरिक्षेत्र अधिकारी रावेर अजय नारायण बावणे आगार रक्षक सुपडू सपकाळे, जुनोना वनरक्षक जगदीश जगदाळे, वाहन चालक विनोद पाटील तसेच विशेष पेसा वनरक्षक रावेर रेंज यांच्या पथकाने केली.
