जळगाव – सार्वजनिक बांधकाम विभागाच्या आरेखकास धुळे एसीबीने 15 हजाराची लाच घेतांना रंगेहाथ पकडले. वासुदेव धोंड् पाथरवट, आरेखक, सार्वजनिक बांधकाम विभाग, जळगाव, असे त्यांचे नाव आहे. सदर प्रकारामुळे लाचखोराच्या गोठ्यात खळबळ उडाली आहे.
तक्रारदार यांनी मौजे वाकडी, ता. जामनेर, जि. जळगाव येथील गट नं.१३९/१/पैकी/अ क्षेत्र २७ आर शेत जमिनीचे क्षेत्रापैकी १२२५ चौ.मी. क्षेत्रामध्ये नियोजित पेद्रोलपंप सुरू करण्याकरीता भाडे तत्वावर करारनामा करून घेतले असुन सदर क्षेत्रात इंडियन ऑईल कंपनी, छत्रपती संभाजीनगर यांनी सदर जागेत पेद्रोलपंप सुरू करण्यासाठी तकारदार यांना अलॉटमेंट लेटर (एल ओ वाय) देवून सदर क्षेत्रात पेद्रोलपंप सुरू करण्यास नाहरकत प्रमाणपत्र मिळण्याकरीता मा. जिल्हाधिकारी, जळगाव यांना पत्र दिले होते. त्यावरून मा. जिल्हाधिकारी. जळगाव यांनी मा. कार्यकारी अभियंता, सार्वजनिक बांधकाम विभाग, जळगाव यांना पत्र देवून सदर शेत जमिनीत नविन पेडोलपंप सुरू करण्यासाठी नाहरकत प्रमाणपत्र देण्यात यावे अगर कसे 2. याबाबत अभिप्राय मागविला होता.
सदरचा अभिप्राय/नाहरकत मिळणेकरीता तकारदार व त्यांचे मित्र यांच्यासह सदर कार्यालयात वेळोवेळी जावुन संबंधीत कामकाज पाहणारे वासुदेव धोंड् पाथरवट, आरेखक, सार्वजनिक बांधकाम विभाग, जळगाव, यांची भेट घेवुन त्यांना नाहरकत प्रमाणपत्र लवकरात लवकर मिळणेकरीता विनंती केली असता वासुदेव धोंड् पाथरवट, आरेखक, सार्वजनिक बांधकाम विभाग, जळगाव यांनी तक्रारदार यांचे काम करून देणे करीता २,०००/- रू घेवुन काम झाल्यावर १५,०००/- रु दयावे लागतील असे सांगितले होते. त्यानंतर दि. २१.११.२०२५ रोजी वासुदेव धोंड् पाथरवट, आरेखक, सार्वजनिक बांधकाम विभाग, जळगाव यांनी तक्रारदार यांचे मित्र यांना फोन करून तक्रारदार यांच्याकडे एन ओ सी देणेकरीता १५,०००/- रू लाच मागणी केल्याचा निरोप दिल्याबाबत तक्रारदार यांनी दुरध्वनीव्दारे माहिती दिली होती. त्यावरून धुळे ला.प्र.विभागाच्या पथकाने जळगाव येथे जावुन तकारदार यांची भेट घेवुन त्यांची तकार लिहुन घेतली होती.
तक्रारदार यांच्या तकारीची दि. २४.११.२०२५ रोजी पडताळणी केली असता पडताळणी दरम्यान वासुदेव धोंड् पाथरवट, आरेखक, सार्वजनिक बांधकाम विभाग, जळगाव यांनी तक्रारदार यांच्याकडे पंचांसमक्ष १५,०००/- रू लाचेची मागणी केली होती. त्यानंतर सापळा आयोजित केला असता वासुदेव धोंड् पाथरवट, आरेखक, सार्वजनिक बांधकाम विभाग, जळगाव यांनी तक्रारदार यांच्याकडुन पंचांसमक्ष १५,०००/- रुपये लाचेची रक्कम स्वतः स्विकारली असता त्यांना रंगेहात पकडण्यात आले त्यांच्या विरुद्ध गुन्हा दाखल करण्यात आला.
सदर कारवाई धुळे एसीबीचे
पोलीस उप अधीक्षक, सचिन साळुंखे, यांच्या मार्गदर्शनाखाली पोलीस निरीक्षकपद्मावती कलाल,पोहेकॉ. राजन कदम, प्रविण मोरे, संतोष पावरा, पोकों प्रशांत बागुल, मकरंद , प्रविण पाटील, सागर शिर्के, प्रितेश चौधरी, रेश्मा परदेशी, पोहेकॉ. सुधीर मोरे, जगदिश बडगुजर यांनी केली.
