दिवाळी निमित्ताने आकाशवाणी जळगाव व चांदोरकर प्रतिष्ठान च्या वतीने “पाडवा पहाटची” या प्रात:कालिन मैफिलिचे आयोजन..
जळगाव – आकाशवाणी जळगाव च्या ५० व्या व चांदोरकर प्रतिष्ठानच्या २५ व्या वर्ष पूर्ती निमित्ताने मंगळवार दि. १० नोव्हेंबर २०२६ रोजी दिवाळी पाडवा अर्थात बली प्रतिपदा निमित्ताने *पाडवा पहाट* मैफिलीचे आयोजन *महात्मा गांधी उद्यानात* प्रात:काळी ठीक ६ वाजता करण्यात आले आहे.
या वर्षीचा कार्यक्रम आकाशवाणी, जळगाव चांदोरकर प्रतिष्ठान व कै. नथ्थूशेट चांदसरकर ट्रस्ट च्या संयुक्त विद्यमाने आयोजित केला असून ही अभंगवाणी, नाट्यगीते, व सुगम संगीताची मैफल असणार आहे. सादरकर्ते सर्व कलाकार नाशिक चे असून आकाशवाणी जळगावचे
मान्यताप्राप्त कलाकार आहेत. त्यांची नावे पुढीलप्रमाणे *आशिष रानडे, ईश्वरी दसक्कर कदडी, पूजा दसक्कर,* व त्यांना
साथसंगत करणारे कलाकार *तबला-सुजित काळे, संवादिनी-सुभाष दसक्कर, सिंथसाइझर- विजय नेवे, ऑक्टोपॅड-नितेश पाटील* हे असणार आहेत. उद्घाटन सत्राचे सूत्र संचलन दीपिका घैसास करणार आहे. पाडवा पहाट कार्यक्रमासाठी खालील मान्यवरांची प्रमुख उपस्थिती असणार आहे. *खासदार श्रीमती स्मिताताई वाघ, आमदार श्री. राजूमामा भोळे, महापौर श्रीमती दीपमाला काळे, जिल्हाधिकारी-श्री. रोहन घुगे, पोलीस अधीक्षक-श्री. श्रीकांत धिवरे, आकाशवाणी जळगाव चे कार्यक्रम प्रमुख श्री. ज्ञानेश्वर बोबडे, उद्योगपती-श्री. अशोकभाऊ जैन, व कै. नथ्थू शेट चांदसरकर ट्रस्ट चे मेजर नानासाहेब वाणी*
या कार्यक्रमास भवरलाल अँड कांताबाई फाऊंडेशन चे सहकार्य लाभले आहे. सदर कार्यक्रम आकाशवाणी जळगाव वरून प्रसारित होणार असल्यामुळे वेळेवर म्हणजे ठीक ६ वाजता सुरू होणार आहे. रसिकांना नम्र विनंती आहे की त्यांनी कार्यक्रम सुरू होण्याच्या किमान १० मिनिटे आधी आसनस्थ व्हावे व सुगम संगीताच्या या अनोख्या मैफिलीचा आस्वाद घ्यावा असे आवाहन आकाशवाणी, जळगाव व स्व. वसंतराव चांदोरकर स्मृती प्रतिष्ठान, चांदसरकर ट्रस्ट यांनी केले आहे.
