१० लाख लाचेची मागणी : २ लाख लाच घेतांना शैक्षणिक संस्थेचा सचिव ACB च्या जाळ्यात..
धरणगाव – तालुक्यातील पिंप्री खुर्द येथील शैक्षणिक संस्थेमध्ये शिपाई पदावर नोकरी लावण्यासाठी शैक्षणिक संस्थेच्या सचिवाने मागितली १० लाखाची लाच त्यातील २ लाख लाच स्वीकारताना वेदमाता गायत्री बहुउद्देशीय संस्था, पिंप्री खुर्द.या शैक्षणिक संस्थेच्या सचिवाला जळगाव लाचलुचपत प्रतिबंधक विभागाने रंगेहाथ पकडले. विनोद मधुकर चौधरी, असे साचिवाचे नाव असून तो संस्थेत सचिव या पदावर आहे.
यातील तक्रारदार यांचा मुलगा हा वेदमाता गायत्री बहुउद्देशीय संस्था, पिंप्री खुर्द ता. धरणगाव जि. जळगांव संचालित २०% शासकीय अनुदानित आदर्श प्राथमिक व माध्यमिक विद्यालय, भोद खुर्द शिवार येथे सन २०२१ पासून अनुसूचित जाती या प्रवर्गातील शिपाई रिक्त पदावर नोकरीस होता. त्यावेळी संस्थेचे सचिव मधुकर चौधरी यांनी सुमारे ७ लाख ७० हजार रुपये घेतले होते. त्यानंतर तक्रारदार यांचे मुलास संस्थेचे सचिव विनोद मधुकर चौधरी यांनी तक्रारदार यांच्या मुलाचे वय २०१२ पासून फरक काढण्यासाठी कमी असल्याचे सांगुन त्यास शिपाई पदावरून गेल्या महिन्यात कमी केले होते व सदरची जागा ही सन-२०१२ पासुन रिक्त पद दाखवून त्या जागेवर तक्रारदार यांचा भाचा राजेश यास शिपाई पदावर नोकरी लावण्यासाठी, शासनाकडून मंजुरी आणून देण्यासाठी तक्रारदार यांच्या कडे दि.१५/१०/२०२४ रोजी १० लाख रुपये लाच रकमेची मागणी केली.
त्यात तात्काळ २ लाख रुपये, शासनाकडून मंजुरी प्राप्त झाल्यावर ३ लाख रुपये व पहिला पगार सुरु होईल तेंव्हा ५ लाख रुपये अशी टप्प्या-टप्प्याने १० लाख रुपयाची मागणी करून या पूर्वी स्वीकारलेले सुमारे ७ लाख ७० हजार रुपये विसरून जा असं सांगितले. व सदर रक्कमेचा पहिला हप्ता म्हणुन २ लाख रु.लाच रक्कम दि. १७/१०/२०२४ रोजी त्यांचे राहते घरी स्वतः स्विकारली म्हणुन त्यांच्या विरुद्ध रामानंद नगर पोलीस स्टेशन जळगांव येथे गुन्हा दाखल करण्यात आला.
यांनी केली कारवाई जळगाव एसीबीचे पोलीस उपअधीक्षक योगेश ठाकूर, पोलीस निरीक्षक स्मिता नवघरे, दिनेशसिंग पाटील, पोना.सुनील वानखेडे,पोकॉ.प्रणेश ठाकूर सफौ.सुरेश पाटील, पोहेकॉ.रविंद्र घुगे,मपोहेकॉ.शैला धनगर, पोना. बाळू मराठे, पोना.किशोर महाजन ,पोकॉ.प्रदिप पोळ, पोकॉ.राकेश दुसाने,आदींच्या पथकाने हा सापळा यशस्वी केला
ईतर महत्वाच्या बातम्या
ऐनपुर येथे गौण खनिजांची लूट… महसूल विभाग घेतेय झोपेचे सोंग..
