जळगाव : शासनाची मुख्यमंत्री लाडकी बहीण योजनेच्या कार्यक्रमासाठी मुख्यमंत्री एकनाथ शिंदे हे मंगळवार १३ रोजी येणार आहे. त्यानिमित्त जळगाव जिल्हा प्रशासनाकडून सागर पार्क मैदानावर तसेच शिवसेनेकडून जोरदार तयारी सुरू आहे.
मुख्यमंत्री एकनाथ शिंदे जळगाव जिल्हा दौऱ्यावर येत असून मंगळवार दि. १३ रोजी दुपारी २.३० वाजता जळगाव विमानतळ येथे आगमन व मोटारीने सागर पार्क जळगावकडे प्रयाण, दुपारी ३ वाजता ते सायं ५. वाजेपर्यंत महिला सशक्तीकरण अभियाना अंतर्गत ‘मुख्यमंत्री माझी लाडकी बहीण योजना’ कार्यक्रम होणार आहे. तसेच कार्यक्रम संपल्यानंतर सायंकाळी ५.१५ वाजता मोटारीने जळगाव विमानतळाकडे प्रयाण, सायं ५.३० वाजता जळगाव विमानतळ येथे आगमन व शासकीय विमानाने मुंबईकडे प्रयाण करतील.
