जळगाव – दि. 13 रोजी एमआयडीसी पोलीस स्टेशन पोलीस निरीक्षक संदीप पाटील यांना गोपनीय खबर मिळाली की, नितीन साहित्य नगर सुप्रीम कॉलनी येथे एका बंद बेकरीत चोरून आणलेल्या लसणाच्या गोण्या आहेत… सदर माहिती प्राप्त झाल्याने MIDC पोलीस स्टेशनची पथकास कारवाईसाठी रवाना केले. दोन पंचा समक्ष बेकरीची झडती घेतली असता,बंद बेकरीमध्ये 97 गोण्या लसुन रुपये 4,85,000/-चा मिळून आला. बेकरी मालक ईश्वर प्रकाश राठोड यांना सदर माला बाबत विचारपूस करता,त्यांनी माहिती दिली की ,” त्यांचा चुलत भाऊ नामे विनोद गणेश रुढे राहणार सुप्रीम कॉलनी याने सदरचा माल कुठून तरी विकत आणला आहे.. परंतु माल खरेदी बाबत कोणतीही बिले त्यांच्याकडे दिलेली नाही. फक्त त्याने साठवण्यासाठी बेकरीत ठेवला आहे .. त्यामुळे सदरचा मालाची बिले त्यांच्याकडे नाहीत”. तरी सदर मालाबाबत मालकी/स्वामित्वा बाबत संशय आल्याने सदर माल जप्त करून , नामे विनोद रुढे यावर मुंबई पोलीस कायदा कलम १२४ अन्वये गुन्हा दाखल करण्यात आलेला आहे…
सदर माला बाबत अधिक तपास करता श्याम रमेश मनवाणी राहणार नागपूर यांचे टाटा ओनियन कंपनी, नागपूर चा असून , त्यांनी तो नागपूर येथून बुखारो- रांची या ठिकाणी पोचवण्यासाठी महिंद्रा टेम्पो चालक विनोद रुढे कडे ताब्यात दिला होता.. परंतु विनोद ने सदर मालाची पोहोच न करता , स्वतःचे आर्थिक फायद्या करिता अपहार करून नेला होता .. एमआयडीसी पो स्टे ला खबर मिळाल्याने, त्याची विल्हेवाट लागण्या अगोदरच एमआयडीसी पोलीस स्टेशनच्या पथकातील अधिकारी व कर्मचारी यांनी तो जप्त केला.. सदर माल श्याम मनवाणी यांचे ताब्यात दिल्याने त्यांनी जळगांव पोलिसांचे आभार खुप मानले आहेत…
सदर कारवाई ही पोलीस निरीक्षक संदीप पाटील यांचे मार्गदर्शनाखाली सहा पो निरिक्षक गणेश वाघ, पोलीस उपनिरीक्षक अशोक काळे, पोलीस नाईक रवींद्र परदेशी पो शि शशिकांत मराठे रतन गीते, नरेंद्र मोरे,राहुल पाटील यांनी केली.
