धरणगाव – खर्दे बुद्रुक येथील ग्राम विकास अधिकाऱ्यास 25 हजारांची लाच घेतांना जळगाव लाचलूचपत प्रतिबंधक विभागाच्या पथकाने रंगेहाथ पकडले असून नितीन भीमराव ब्राम्हणे , ग्राम विकास अधिकाऱ्याचे नाव असून सदर ग्रामविकास अधिकाऱ्यास लाच घेतांना रंगेहाथ पकडल्याने लाच खोरांच्या गोठ्यात एकच खडबळ उडाली आहे.
यातील तक्रारदार यांनी दिनांक 22 रोजी तक्रार दिली की, तक्रारदार यांनी त्यांचे गावात गटारीचे 2 लाखाचे व गावहाळ बांधण्याचे 70, 000 रुपयाचे अशी 2,70,000 रुपयाचे काम केले होते.नितीन भीमराव ब्राम्हणे , ग्रामसेवक यांनी तक्रारदार यांचे तर्फे वर प्रमाणे करण्यात आलेल्या दोन्ही कामाचे बिल काढुन देऊन, सदर कामाचे 1,95,000 व 69,000 अशे 2 स्वतंत्र चेक दिले होते व सदर बिलाची एकूण रक्कम 2,64,000 रुपये तक्रारदार यांच्या खात्यात जमा झाली होती. तक्रारदार यांचे कामाची बिले व सदर बिलांचे 2 चेक काढून दिले या कामाचा मोबदला म्हणून नितीन भीमराव ब्राम्हणे ग्रामसेवक यांनी तक्रादार यांच्याकडे 10 टक्क्याप्रमाणे 25,000/- रुपये लाचेची मागणी केले बाबत 22 रोजी तक्रार दिली.
त्याप्रमाणे दि.22/03/2025 रोजी पंचासमक्ष लाचमागणी पडताळणी मध्ये नितीन भीमराव ब्राम्हणे ग्रामसेवक यांनी तक्रारदार यांना 2 कामाचे 2,70,000 रुपयाचे बिल काढून दिले त्या कामाचे 10 टक्के प्रमाणे 27,000 होतात परंतु तुम्ही जवळचे असल्याने 25,000/- द्यावे लागतील, तुम्ही सरपंच ला देखील काही देत नाही असे सांगून 25,000 रुपयाची स्पष्ट मागणी करुन लाच रक्कम स्वीकारण्याची तयारी दर्शवली व लाच रक्कम तात्काळ आणून देण्याबाबत तक्रारदार यांना सांगितले. त्यावरुन सापळा कारवाई करण्यात येवून नितीन भीमराव ब्राम्हणे ग्रामसेवक याना 25,000/- रुपये लाच स्वीकारताना रंगेहात पकडण्यात आले असून नितीन भीमराव ब्राम्हणे ग्रामसेवक यांचे विरुध्द धरणगाव पोलीस ठाणे येथे गुन्हा दाखल करण्याची प्रक्रिया सुरु होती.
सदर कारवाई
जळगाव एसीबी चे पोलिस उपअधिक्षक, योगेश ठाकूर, श्रेणी पोउपणी सुरेश पाटील ( चालक ), पोना/ किशोर महाजॅन, पो. कॉ/अमोल सुर्यवंशी यांनी केली.
