जळगाव दि. २७ – येथील रहिवाशी असलेले व हिताची अस्मेटो प्रा. ली. येथे कार्यरत असलेले श्री रामराव सीताराम तायडे यांना राज्य गुणवंत कामगार असोसिएशन व जागृत नागरिक सेवा संस्था यांच्या वतीने देण्यात येणारा व प्रतिष्ठेचा समजला जाणारा राष्ट्रीय कामगार भुषण पुरस्कार २०२५ ने सन्मानित करण्यात आले. सदर पुरस्कार सोहळा दिनांक २७ जुलै रोजी कोल्हापूर येथे पार पडला. सदर पुरस्कार माजी मंत्री सतेज उर्फ बंटी पाटील यांच्या हस्ते व आरोग्यमंत्री तथा पालकमंत्री प्रकाश आबिटकर शिक्षक आमदार जयंत आसगावकर डॉ रविकांत पाटील ब्रह्मकुमारी सुनंदा दीदी यांच्या प्रमुख उपस्थितीत प्रदान करण्यात आला. सदर कार्यक्रम राजर्षी शाहू स्मारक भवन दसरा चौक कोल्हापूर येथे संपन्न झाला.
