एक सर्वसाधारण कार्यकर्ता ते राष्ट्रीय पक्षाचे जिल्हाध्यक्ष ईश्वर पंडित पाटील (लाला सर ) यांचा प्रेरणादायी जीवन प्रवास..

जळगाव – ईश्वर पंडित पाटी, ज्यांना सर्वजण प्रेमाने लाला सर या नावाने ओळखतात, हे एक सुशिक्षित, विचारवंत, आणि प्रामाणिक समाजसेवक आहेत. अत्यंत गरीब आणि प्रतिकूल परिस्थितीतून त्यांनी शिक्षणाची गाडी पुढे नेली आणि आपल्या कष्ट, जिद्द आणि चिकाटीच्या बळावर एम.ए. इंग्रजी पर्यंत शिक्षण पूर्ण केले.

शिक्षणाच्या काळात आणि त्यानंतरही त्यांनी नेहमीच समाजहिताचा विचार केला. स्वतःची परिस्थिती कितीही कठीण असली तरी दुसऱ्यांच्या दुःखात हातभार लावणे, गरजवंतांना मदतीचा हात देणे आणि सत्य, प्रामाणिकतेच्या मार्गावर राहून समाजकारण करणे — ही त्यांची जीवनशैली बनली

🎯 समाजकारणाची वाटचाल

सन 2014 मध्ये राष्ट्रवादी काँग्रेस पार्टीच्या किसान सेल तालुका अध्यक्षपदी त्यांची निवड झाली. ही त्यांची राजकीय प्रवासाची पहिली पायरी होती. पक्षनिष्ठा, प्रामाणिक कार्यशैली आणि जनसंपर्क यामुळे लवकरच त्यांची ओळख एक प्रामाणिक आणि कार्यक्षम पक्षनिष्ठ कार्यकर्ता म्हणून निर्माण झाली.

सात वर्षे त्यांनी पक्षात राहून प्रामाणिकपणे, कोणताही स्वार्थ न ठेवता, फक्त जनतेच्या आणि शेतकऱ्यांच्या प्रश्नांवर काम केले. त्यांच्या या निष्ठावान कार्याची दखल पक्षाने घेतली आणि त्यांना बाजार समिती व पंचायत समिती निवडणूक लढवण्याची संधी दिली. या काळात “लाला सर” हे नाव संपूर्ण तालुक्यात ओळखीचे झाले.

ऊसतोड कामगार आणि आदिवासींसाठी संघर्ष

शेतकरी, कामगार, ऊसतोड मजूर आणि वंचित घटकांच्या समस्यांबाबत त्यांच्या मनात नेहमीच वेदना होती. याच कारणाने त्यांनी स्वतःची एक संघटना स्थापन करण्याचा निर्णय घेतला —

“स्व. पंडितराव पाटील ऊसतोड कामगार संघटना.”

या संघटनेच्या माध्यमातून त्यांनी पावरा, भिल्ल, तडवी, गोंड अशा आदिवासी समाजाच्या न्याय आणि अधिकारांसाठी सतत संघर्ष केला. ऊसतोड कामगारांच्या रोजीरोटी, वेतन, राहणीमान आणि मुलांच्या शिक्षणासाठी त्यांनी शासनदरबारी अनेकवेळा आवाज उठवला. त्यांच्या सततच्या प्रयत्नांमुळे अनेक कुटुंबांना शासन योजनांचा लाभ मिळाला आणि त्यांचे जीवनमान सुधारले.

नुकत्याच नागपूर येथे झालेल्या ऊसतोड कामगार परिषदेत त्यांच्या उल्लेखनीय कार्याची दखल घेऊन त्यांचा सन्मानपत्र देऊन गौरव करण्यात आला. हा सन्मान फक्त त्यांचा नव्हे, तर सर्व त्या कामगारांचा आणि वंचित समाजाचा सन्मान आहे, ज्यांच्या हक्कासाठी ते आजही लढत आहेत.

📜 संविधानवादी विचारांचा वारसा

लाला सर यांच्या कार्याची दिशा नेहमीच संविधानाच्या मूल्यांवर आधारित राहिली आहे. डॉ. बाबासाहेब आंबेडकरांच्या विचारांचा ते खोलवर प्रभाव मानतात. समाजातील समता, बंधुता आणि न्याय या तीन स्तंभांवर त्यांनी आपले कार्य उभारले आहे.या विचारांच्या प्रभावातूनच त्यांचा संपर्क श्रद्धेय बाळासाहेब आंबेडकर यांच्याशी आला. त्यांची कार्यशैली, तळागाळातील लोकांशी असलेला संवाद आणि तत्त्वनिष्ठ भूमिका पाहून बाळासाहेब आंबेडकर यांनी त्यांच्यावर विश्वास ठेवला आणि त्यांना जळगाव जिल्हा अध्यक्ष या महत्वाच्या पदाची जबाबदारी दिली.

एक प्रेरणादायी प्रवास

एका लहान गावातून, अत्यंत साध्या कुटुंबातून, गरिबीच्या परिस्थितीतून उभं राहून त्यांनी स्वतःचं व्यक्तिमत्व घडवलं. एक सर्वसाधारण कार्यकर्ता ते राष्ट्रीय पक्षाचा जिल्हाध्यक्ष — हा प्रवास मेहनतीचा, प्रामाणिकतेचा आणि समाजसेवेच्या निष्ठेचा आहे.

त्यांच्या आयुष्याचा प्रत्येक क्षण हा समाजासाठी अर्पण आहे. शेतकरी, कामगार, आदिवासी आणि तरुणांना त्यांनी दिलेला आत्मविश्वास म्हणजेच त्यांच्या कार्याची खरी ताकद आहे.