1 हजाराची लाच ZP शाळेचा मुख्यध्यापक ACB च्या जाळ्यात..
एरंडोल – पिंपळकोठा येथील जिल्हा परिषद शाळेच्या मुख्याध्यापकास 1 हजाराची लाच घेतांना जळगाव एसीबीने घेतले ताब्यात.
यातील तक्रारदार हे प्राथमिक शाळा पिपळकोठे येथे शिक्षक या पदावर नेमणुकीस आहेत व बळीराम सुभाष सोनवणे, जि.प. मराठी शाळा पिपळकोठा हे मुख्याध्यापक आहेत. यातील संशईत आरोपी जे डी पाटिल शिक्षण विस्तार अधिकारी यांनी गेल्या सोमवारी त्यांच्या शाळेचे इन्स्पेक्शन केले होते. शिक्षण विस्तार अधिकारी यांनी इन्स्पेक्शन मध्ये चांगल्या शेरा लिहावा म्हणून 10 हजार रुपये मागितले आहेत ते सर्व शिक्षकांना द्यावे लागतील असे सांगुन इतर शिक्षकाकडून प्रत्येकी 1000/- रू. घेतले होते. तक्रारदार व अन्य एक शिक्षक यांचे असे एकूण 2000/- रु. बाकी होते. त्याबाबत तक्रारदार यांचेकडुन 1000/-रुपये लाचेची मागणी बळीराम सुभाष सोनवणे, मुख्याध्यापक यांनी केली होती.त्याबाबत तक्रारदार यांनी आज रोजी लाचलुचपत प्रतिबंधक विभाग जळगांव येथे तक्रार दिली होती.
सदर तक्रारी प्रमाणे साक्षीदार शिक्षक व पंचासमक्ष पडताळणी केली असता बळीराम सुभाष सोनवणे, मुख्याध्यापक यांनी संशईत जे डी पाटिल शिक्षण विस्तार अधिकारी यांनी 10 हजार सांगितले आहेत तुम्हाला यावेळी पैसे द्यावेच लागतील असे सांगुन तक्रारदार यांचेकडून 1000/- रू . लाचेची मागणी करुन आज रोजी 1000 रुपये लाच रक्कम घेताना, बळीराम सुभाष सोनवणे, मुख्याध्यापक यांना मुख्याध्यापक कार्यालय पिपळकोठा ता.एरंडोल येथे रंगेहाथ पकडण्यात आले आहे. तसेच शिक्षण विस्तार अधिकारी यांची फोनद्वारे पडताळणी केली असता त्यांनी 2000/- रु.मिळल्या बाबत विरोध दर्शवला नाही व नंतर कॉल करतो असे सांगून लाच रकमेबाबत कोणताही विरोध दर्शवला नाही. सदर बाबत अधिक तपास करून संशयित जे डी पाटिल शिक्षण विस्तार अधिकारी यांच्याविरुद्ध कारवाई करीत. तसेच एरंडोल पोलीस स्टेशन येथे गुन्हा दाखल करण्याची प्रकिया सुरू आहे.
सदर कारवाई लाचलुचपत प्रतिबंधक विभागाचे पोलिस उपअधीक्षक योगेश ठाकूर,सफौ सुरेश पाटील, चालक पो.ना.बाळु मराठे,पो.कॉ. राकेश दुसाने यांनी केली.