जळगाव – शहरातील सिंधी कॉलनी आणि मास्टर कॉलनी भागातून दोन बुलेट मोटरसायकली लांबविणाऱ्या दोघांना एमआयडीसी पोलिसांनी सीसीटीव्ही फुटेजच्या आधारे अटक केली असून त्यांच्याकडून एक लाख तीस हजार रुपये किमतीच्या दोन बुलेट मोटरसायकली हस्तगत करण्यात आल्या आहेत.
सिंधी कॉलनी येथून बुलेट चोरीझाली होती चोरीचा गुन्हा दाखल झाल्यानंतर पोलीस निरीक्षक संदीप पाटील यांनी गुन्हे शोध पथकातील तपासी अंमलदार यांनी सिंधी कॉलनी येथील सीसीटीव्ही फुटेज तपासून त्या आधारे जावेद शेख चांद रा. मास्टर कॉलनी आणि अदनान अमजद खान शाहूनगर या दोघांना गोपनीय माहितीच्या आधारे 22 फेब्रुवारी रोजी अटक करून न्यायालयात हजर केले असता 24 पर्यंत कोठडी सुनावण्यात आली होती. दोघांनी सिंधी कॉलनी येथील हर्षद दिलीप कुमार नागपाल यांची बाबा नगर येथील घरासमोरून 13 नोव्हेंबर 2024 रोजी रात्री साडेदहा ते साडेपाच वाजेच्या सुमारास बुलेट चोरून नेली होती. याप्रकरणी एमआयडीसी पोलिसात गुन्हा दाखल करण्यात आला होता. कोठडी दरम्यान दोन्ही आरोपींनी मास्टर कॉलनी येथून सुद्धा एक बुलेट चोरी केल्याची कबुली दिली. त्यांच्याकडून 1,30,000/- रुपये किमतीच्या दोन बुलेट हस्तगत करण्यात आले आहे.
पोलीस अधीक्षक माहेश्वर रेड्डी, अपर पोलीस अधीक्षक अशोक नखाते, उपविभागीय पोलीस अधिकारी संदीप गावित, यांच्या मार्गदर्शनाखाली एमआयडीसी पोलीस स्टेशनचे पोलीस निरीक्षक संदीप पाटील, पोलीस उपनिरीक्षक राहुल तायडे, चंद्रकांत धनके ,पोलीस हेडकॉन्स्टेबल गणेश शिरसाळे ,पोलीस नाईक किशोर पाटील ,योगेश बारी, विकास सातदिवे, नितीन ठाकूर, नाना तायडे, किरण पाटील ,राहुल घेटे, आदींच्या पथकाने केली.
