जळगाव – जिल्हातील सार्वजनिक ठिकाणाहुन व बाजारातुन महागडे मोबाईल गहाळ झालेल्या मोबाईलचा शोध घेण्यासकरिता पोलीस अधिक्षक डॉ. महेश्वर रेड्डी व अपर पोलीस अधिक्षक अशोक नखाते यांचे मार्गदर्शनाखाली पोलीस निरीक्षक सतिष गोराडे, व पोलीस उपनिरीक्षक गणेश अहीरे, यांना आदेशीत केले होते त्यानुसार सायबर पोलीस स्टेशन, जळगाव येथील पोहेकों किरण वानखेडे, पोहेको हेमंत महाडीक, पोना सचिन सोनवणे, पोको पंकज वराडे पोकों/गौरव पाटील, पोकों/मिलींद जाधव, पोकों/दिपक पाटील जळगाव पो.स्टे असे पथक तयार करुन मिसींग मोबाईल शोध घेण्याची मोहीम राबविण्यात आली होती.
सदर मोहीमेत जळगाव जिल्हयातील गहाळ झालेल्या मोबाईलचा शोध महाराष्ट्र व इतर राज्य अशा वेगवेगळ्या ठिकाणी जावून एकूण 62 मोबाईल किंमत 12,50,000/- रुपयाचे मोबाईल हस्तगत करण्यात आले, त्या सर्व मोबाईलचे आज एकत्रितरित्या पोलीस अधिक्षक जळगाव यांच्या हस्ते वाटप करण्यात आले.
सदरची गहाळ मोबाईल यांचे IMEI क्रमांकासह संपूर्ण माहीती जळगाव पोलीस फेसबुक पेज चावर अपलोड केली आहे. पोलीस अधिक्षक, जळगाव यांनी नागरिकांना CEIR पोर्टलवर गहाळ मोबाईलची माहीती अपलोड करण्याचे आव्हान केले आहे.
