जळगाव – नवीन वीज मीटर बसवण्यासाठी 2 हजाराची लाच घेतांना एमएसईबी च्या वरिष्ठ तंत्रज्ञ यास जळगाव एसीबी ने रंगेहाथ पकडले असून आत्माराम धना लोंढे, वरिष्ठ तंत्रज्ञ, शहर उपविभाग १, जळगाव एमएसईबी (वर्ग ३) असे त्याचे नाव आहे.
यातील तक्रारदार हे डॉक्टर आहेत तक्रारदार यांना त्यांच्या मुलाच्या नावे नवीन वीज मीटर घेण्यासाठी वायरमन लोंढे यांना भेटून नवीन वीज मीटर बसवण्यासाठी करण्यात येणाऱ्या कागदपत्रांबाबत विचारणा केली असता त्यांनी नवीन वीज मीटर बसवण्यासाठी चार हजार रुपयाची मागणी केली होती. त्यावेळी तक्रारदार यांनी त्यांचे म्हणण्याप्रमाणे चार हजार रुपये दिले होते. त्यानंतर देखील आत्माराम धना लोंढे, वरिष्ठ तंत्रज्ञ, शहर उपविभाग १, जळगाव एमएसईबी (वर्ग ३) यांनी तक्रारदार यांचे वीज मीटर चे काम केले नव्हते. म्हणून तक्रारदार यांनी आत्माराम धना लोंढे, वरिष्ठ तंत्रज्ञ यांना बीज मीटर संदर्भात विचारणा केली असता त्यांनी आणखी दोन हजार रुपये द्यावे लागतील असे म्हणून तक्रारदारांकडे दोन हजार रुपये लाच मागणी करत असल्याबाबत तक्रारदार यांनी दिनांक १५.१२.२०२५ रोजी ला. प्र. वि. जळगाव पथकाकडे तक्रार दिली होती.
तक्रारदार यांच्या तक्रारीच्या अनुषंगाने दिनांक १५.१२.२०२५ रोजी पंचासमक्ष लाच मागणी पडताळणी केली असता यातील आत्माराम धना लोंढे, वरिष्ठ तंत्रज्ञ यांनी तक्रारदार यांचे मुलाचे नावे नवीन वीज मीटर बसून देण्यासाठीच्या मोबदल्यात लोकसेवक लोंढे यांनी २,०००/- रूपयेची लाचेची मागणी करून लोकसेवक आत्माराम धना लोंढे, वरिष्ठ तंत्रज्ञ यांनी तक्रारदार यांचेकडून पंचांसमक्ष दोन हजार रुपये लाचेची मागणी करून स्वतः स्वीकारली.
सदर कारवाई
जळगाव एसीबी चे पो.उप अधीक्षक योगेश ठाकूर स्मिता नवघरे, पोलीस निरीक्षक, पोकों/सचिन चाटे, पोकों/अमोल सुर्यवंशी यांनी केली.
