यावल (सुरेश पाटील) : बोदवड येथील तहसीलदार नितीन कुमार देवरे निलंबित ,सहसचिव अजित देशमुख यांनी काढला आदेश जळगाव जिल्ह्यातील बोदवड तहसीलचे तहसीलदार तथा मालेगाव येथील तत्कालीन तहसीलदार नितीन कुमार देवरे यांना निलंबित करण्याचे आदेश महाराष्ट्र राज्याचे सहसचिव अजित देशमुख यांनी आज गुरुवार दि.२३ जानेवारी २०२५ काढले.
सहसचिव यांनी काढलेल्या आदेशात म्हटले आहे की,
ज्याअर्थी नितीनकुमार देवरे,तत्का. तहसिलदार, मालेगांव, जि. नाशिक (सध्या कार्यरत तहसिलदार बोदवड, जि.जळगांव) यांनी उक्त पदावर कार्यरत असताना कार्यालयीन कामकाज शासन निर्देशाप्रमाणे न करता आणि शासकीय कामकाजात पुरेशे गांर्भीय न दर्शविता जन्म प्रमाणपत्रे / दाखले निर्गमित केल्यामुळे त्यांनी कर्तव्यात कसूरी करुन महाराष्ट्र नागरी सेवा (वर्तणूक) नियम, १९७९ मधील नियम चे उल्लंघन केले असल्याने नितीशकुमार देवरे, तत्का. तहसिलदार, मालेगांव, जि.नाशिक यांच्याविरुध्द महाराष्ट्र नागरी सेवा (शिस्त व अपिल) नियम १९७९ मधील तरतुदी अन्वये विभागीय चौकशीची कारवाई करण्याच्या अधिनतेने नितीनकुमार देवरे यांना निलंबित करणे आवश्यक आहे. त्याअर्थी, महाराष्ट्र नागरी सेवा (शिस्त व अपिल) नियम १९७९ च्या नियम ४ (१) (अ) अन्वये प्रदान करण्यात आलेल्या शक्तीचा वापर करुन आता उक्त नितीनकुमार देवरे, तत्का. तहसिलदार,मालेगांव, जि.नाशिक यांना तात्काळ प्रभावाने पुढील आदेश होईपर्यंत शासन सेवेतून निलंबित करण्यात येत आहे.शासन असेही आदेश देत आहेत की,प्रस्तुत आदेश अंमलात असेपर्यंत नितीनकुमार देवरे, तत्का.तहसिलदार, मालेगांव, जि. नाशिक यांचे निलंबन कालावधीतील मुख्यालय जिल्हाधिकारी कार्यालय,जळगांव येथे असेल व त्यांनी जिल्हाधिकारी, जळगांव यांच्या पूर्व संमतीशिवाय मुख्यालय सोडता कामा नये.नितीनकुमार देवरे,तत्का. तहसिलदार,मालेगांव,जि.नाशिक यांना त्यांच्या निलंबनाच्या कालावधीत निलंबन निर्वाह भत्ता देण्यासंबंधी खालील आदेश देण्यात येत आहेत.
निलंबनाच्या कालावधीत नितीनकुमार देवरे, तत्का.तहसिलदार, मालेगांव, जि.नाशिक यांनी खाजगी नोकरी स्वीकारू नये किंवा धंदा वा व्यापार करू नये.( त्यांनी तसे केल्यास ते दोषारोपास पात्र ठरतील व त्या अनुषंगाने त्यांच्याविरुध्द कारवाई करण्यात येईल ) व तसे केल्यास ते निलंबन निर्वाह भत्ता गमाविण्यास पात्र ठरतील.निलंबनाच्या कालावधीत त्यांना निलंबन भत्ता जेव्हा देण्यात येईल त्या प्रत्येक वेळी त्यांनी खाजगी नोकरी स्वीकारलेली नाही किंवा कोणताही खाजगी धंदा वा व्यापार करीत नाही अशा त-हेचे प्रमाणपत्र नितीनकुमार देवरे,तत्का. तहसिलदार,मालेगांव, जि.नाशिक यांना द्यावे लागेल.महाराष्ट्र नागरी सेवा (पदग्रहण अवधी,स्वीयेत्तर सेवा आणि निलंबन, बडतर्फी व सेवेतून काढून टाकणे यांच्या काळातील प्रदाने) नियम, १९८१ च्या नियम ६८ मधील तरतुदीनुसार नितीनकुमार देवरे,तत्कालिन तहसिलदार,मालेगांव, जि.नाशिक यांना निलंबन निर्वाह भत्ता व इतर पूरक भत्ते देण्यात येतील,महाराष्ट्राचे राज्यपाल यांच्या आदेशानुसार व नावाने आदेश काढण्यात आला आहे.
