4 हजाराची लाच : भूमीअभिलेख विभागाचा भूकरमापक ACB च्या जाळ्यात..

 रावेर – येथील भूमी अभिलेख विभागाच्या  भूकरमापकास 4 हजारांची लाच घेतांना जळगाव लाचलूचपत प्रतिबंधक विभागाच्या पथकाने रंगेहाथ पकडले असून राजेंद्र रमेश कुलकर्णी, भूकरमापकाचे नाव आहे.

यातील तक्रारदार यांनी दिनांक 04/3/ 2025 रोजी तक्रार दिली की, तक्रारदार व त्यांचे काका यांची मस्कावद, ता रावेर येथे सामाईक शेत जमिन असून त्यासाठी त्यानी भुमी अभिलेख कार्यालय येथे दिनांक 7/1/ 2025 रोजी अर्ज करुन शासकिय फी भरली होती. त्यानंतर यातील राजेंद्र रमेश कुलकर्णी, भूकरमापक, यांनी दि‌.18/2/2025 रोजी प्रत्यक्ष शेतात येवून जमिनीचे मोजमाप केले होते. त्यावेळी राजेंद्र रमेश कुलकर्णी, भूकरमापक, यांनी तक्रारदार याना केलेल्या मोजमाप च्या खुणा दाखविण्यासाठी 5500 रुपयाची मागणी स्वतःसाठी केली होती. तेंव्हा तक्रारदार यानी पैशे नसल्याचे सांगितल्यावर राजेंद्र रमेश कुलकर्णी, भूकरमापक,यानी शेतात चण्याचे ( हरभरे ) पिक आहे पैशांच्या बदल्यात चणें दे असे सांगितले होते. तक्रारदार याना पैशे अगर चणे ( हरभरे ) देण्याची इच्छा नसल्याने त्यानी दिनांक 04/03/2025 रोजी एसीबी जळगाव येथे तक्रार दिली होती. त्या अनुषंगाने तक्रारीची दि.04/03/2025 व दिनांक 25/03/2025 रोजी पंचासमक्ष लाचमागणी पडताळणी मध्ये राजेंद्र रमेश कुलकर्णी, भूकरमापक यांनी तक्रारदार यांना त्यांच्या शेतीच्या मोजमाप केलेल्या कामाचे खुणा दर्शवून सीमा निश्चिती करण्यासाठी प्रथम 5500 , 5000 व तडजोड अंती 4000 रुपयाची मागणी केली तसेच दिनांक 04/03/2025 रोजी च्या पडताळणीत पैशे नसतील तर चणे ( हरभरे ) ची देखील मागणी केली होती. परंतु तक्रारदार याना चणे ( हरभरे ) द्यावयाचे नसल्याने त्यानी पैशे देतो म्हणून सांगितले असता त्यानी पैशे स्वीकारण्याची तयारी दर्शविली होती.

त्या प्रमाणे आज दिनांक 26/03/2025 रोजी करण्यात आलेल्या पडताळणी कारवाई दरम्यान प्रथम 5,000/- रुपयाची मागणी करून तडजोडी अंती 4,000/- रुपये लाच रक्कम ठरले. त्यानंतर सदर राजेंद्र रमेश कुलकर्णी, भूकरमापक, यांनी तक्रारदार यांना निंभोरा येथे एका शेता जवळ बोलवून लाचेची रक्कम 4,000/- रुपये स्वतः स्वीकारली आहे. राजेंद्र रमेश कुलकर्णी, भूकरमापक, यांना ताब्यात घेण्यात आले.निभोरा पोलीस ठाणे येथे गुन्हा दाखल करण्यात आला.

सदर कारवाई जळगाव एसीबी चे पोलीस उप अधीक्षक,योगेश ठाकूर , सहाय्यक फौजदार सुरेश पाटील, पोका‌ॅ राकेश दुसाने, पोका‌ॅ अमोल सूर्यवंशी यांनी केली.