चाळीसगाव – तलाठ्या सह रोजगार सेवक व खाजगी इसम 25 हजारांची लाच घेतांना धुळे लाचलूचपत प्रतिबंधक विभागाच्या पथकाने रंगेहाथ पकडले. मोमीन दिलशाद अब्दुल रहीम, तलाठी, तहसील कार्यालय चाळीसगाव, वडिलाल रोहिदास पवार, रोजगार सेवक दादा बाबू जाधव, खाजगी इसम असे त्यांचे नावे असून त्यांना लाच घेतांना रंगेहाथ पकडल्याने लाच खोरांच्या गोठ्यात एकच खडबळ उडाली आहे.
तक्रारदार यांचे वडील व इतर सात यांचे मौजे पाथरजे तालुका चाळीसगाव येथे वडिलोपार्जित शेत जमिनीच्या 7/12 उताऱ्यावरील ईतर हक्कातील जुनी कालबाह्य नोंद कमी होणेकरिता त्यांच्या वडिलांनी केलेला अर्ज घेऊन तलाठी मोमीन दिलशाद अब्दुल यांची त्यांच्या कार्यालयात जावून भेट घेतली असता त्यांनी वडिलाल रोहिदास पवार, रोजगार सेवक यांना भेटण्यास सांगून त्यांनी सांगितल्याप्रमाणे पैसे दिल्यावर तुमचे काम करून देते अशी तक्रार दि 03.07.2025 रोजी दिली होती. सदर तक्रारीची दि. 03.07.2025 रोजी पंचासमक्ष पडताळणी केली असता तलाठी मोमीन दिलशाद अब्दुल यांनी तक्रारदार यांना त्यांचे कामाबाबत वडिलाल रोहिदास पवार, रोजगार सेवक यांस भेटण्यास सांगितले. त्याप्रमाणे तक्रारदार यांनी रोहिदास पवार,रोजगार सेवक यांचे सह तलाठी मोमीन दिलशाद अब्दुल यांची भेट घेतली.
तेव्हा त्यांनीतलाठी मोमीन दिलशाद अब्दुल यांनी जसा वाटणीपत्राप्रमाणे खर्च येईल असे सांगितले. त्यानंतर दि.14.07.2025 रोजी तक्रारदार यांनी रोहिदास पवार, रोजगार सेवक यांचेसह पुन्हा तलाठी मोमीन दिलशाद अब्दुल यांची भेट घेतली असता तलाठी मोमीन दिलशाद अब्दुल यांनी त्यांना तक्रारदार यांच्या कामाबाबत उद्या सांगते व रोहिदास पवार, रोजगार सेवक यांचेशी बोलते असे सांगितले.त्यानंतर दि. 17.07.2025 रोजी तक्रारदार यांनी रोहिदास पवार, रोजगार सेवक यांची भेट घेतली असता त्यांनी तक्रारदार यांना तलाठी मोमीन दिलशाद अब्दुल यांनी तक्रारदार त्यांचे काम करून देण्याच्या मोबदल्यात 25,000/- रुपये घेणेबाबत सांगितले. त्यावेळी रोहिदास पवार, रोजगार सेवक यांच्यासोबत असलेले दादा बाबू जाधव, खाजगी इसम यांनी तक्रारदार यांना लाच देण्यासाठी अपप्रेरणा देऊन प्रोत्साहित केले.त्यानंतर दि.30.07.2025 रोजी सापळा कारवाई दरम्यान रोहिदास पवार, रोजगार सेवक यांनी तलाठी मोमीन दिलशाद अब्दुल यांचे चाळीसगाव येथील कार्यालयाबाहेर तक्रारदार यांच्याकडून 25,000/- रुपये लाचेची रक्कम स्वतः स्वीकारताना त्यांना रंगेहाथ पकडण्यात येऊन तलाठी, रोजगार सेवक व खाजगी इसम यांचे विरुद्ध चाळीसगाव शहर पोस्टे येथे भ्र.प्र.अधिनियमान्वये गुन्हा दाखल करण्यात आला.
सदर कारवाई
धुळे एसीबी चे पोलीस उपअधीक्षक,सचिन साळुंखे, पो.नि.पद्मावती कलाल,पो.हवा. राजन कदम,मुकेश अहिरे,संतोष पावरा, पो.कॉ.रामदास बारेला,मकरंद पाटील चालक पो. कॉ. जगदीश बडगुजर यांनी केली.
