12 हजाराची लाच भोवली : दोन पोलीस व खाजगी पंटर धुळे ACB च्या अटकेत..

अमळनेर – पोलीस स्टेशनचे पोलीस कॉन्स्टेबल अमोल राजेंद्र पाटील व जितेंद्र रमणलाल निकुंभे यांनी तकारदार यांचेकडे १५ हजार रुपये लाचेची मागणी करुन तडजोडीअंती 12 हजार रु लाच खाजगी इसमा च्या हस्ते स्वीकारली. त्यांना धुळे एसीबी ने रंगेहाथ पकडले.

तक्रारदार हे अमळनेर येथील धुळे रोडवरील पाचपावली मंदिराजवळ एका टपरीमध्ये एल.पी.जी. गॅस सिलेंडर मधुन कॉम्प्रेसर मशीनच्या सहायाने वाहनांमध्ये गॅस भरण्याचा व्यवसाय करतात. सदरचा व्यवसाय करत असतांना अमळनेर पोलीस स्टेशनचे पोलीस कॉन्स्टेबल अमोल पाटील व जितेंद्र निकुंभे हे तक्रारदार व्यवसाय करीत असलेल्या ठिकाणी येवुन तकारदार यांना “तुला वाहनांमध्ये गॅस भरण्याचा व्यवसाय करायचा असेल तर आम्हास दरमहा १५,०००/- रुपये हप्ता दयावा लागेल, नाहीतर तुझ्यावर अवैधरित्या वाहनांमध्ये गॅस भरत असल्याचा गुन्हा दाखल करतो.” असे सांगुन तकारदार यांच्याकडे लाचेची मागणी केल्याची तक्रारदार यांनी दि.२३.०९.२०२५ रोजी ला.प्र.वि. धुळे कार्यालयात तक्रार दिली होती.

सदर तक्रारीची पडताळणीत दि.२३.०९.२०२५ रोजी पोलीस कॉन्स्टेबल अमोल पाटील व जितेंद्र निकुंभे यांनी तकारदार यांच्याकडे १५,०००/- रुपये लाचेची मागणी करुन तडजोडीअंती १२,०००/- रुपये स्विकारण्याचे मान्य केले होते.

त्यानंतर सापळा कारवाई दरम्यान पोलीस कॉन्स्टेबल अमोल पाटील व जितेंद्र निकुंभे यांनी उमेश भटु बारी, वर्षे, खाजगी इसम, यांच्या हस्ते अमळनेर येथील बहादरपुर रोडवरील पाचपावली मंदिरा समोरील मिनाबाई ठाकरे शॉपिंग कॉम्प्लेक्स मध्ये स्वराज्य पानाचे दुकानात तकारदार यांच्याकडुन १२,०००/- रुपये लाचेची रक्कम स्विकारतांना त्यांना रंगेहात पकडण्यात आले.

सदर कारवाई

धुळे एसीबी चे पोलीस उप अधीक्षक,सचिन साळुंखे, पोलीस निरीक्षक,पद्मावती कलाल, यशवंत बोरसे, पोलीस निरीक्षक,पोहेकॉ. राजन कदम, मुकेश अहिरे, प्रविण मोरे, संतोष पावरा,पोकॉ. प्रशांत बागुल, मकरंद पाटील, प्रविण पाटील, सागर शिर्के, प्रितेश चौधरी, रेश्मा परदेशी, पोहेकॉ. सुधीर मोरे, जगदीश बडगुजर यांनी केली.