पाचोरा प्रतिनिधी | जळगाव जिल्ह्यातील पाचोरा नजीक असणाऱ्या गोराडखेडा गावाजवळ भरधाव स्विफ्ट डिझाआहे कार ने रस्त्यावरील चार जणांना उडवल्याने भीषण अपघात झाल्याची घटना घडली आहे. यात दोन जण जागीच ठार झाले असून दोन जण गंभीर जखमी आहेत.
मयत झालेल्यामध्ये एक शाळकरी मुलीचा आणि एक वृद्धाचा समावेश आहे. दोन्ही जखमींना तात्काळ जळगाव येथे पुढील उपचारासाठी रवाना केले असून घटनास्थळी गावातील नागरिकांनी मोठी गर्दी केल्याचे पहायला मिळाले आहे. अपघाताची भीषणता पाहून परिसर हादरला असून घटनास्थळी पोलीस पथक दाखल झाले आहे.
