5 हजाराची लाच भोवली : काकोड्या च्या तलाठ्यासह 2 खाजगी पंटर ACB च्या जाळ्यात..
मुक्ताईनगर – नुकतीच कुसुंब्याच्या तलाठ्यास ३ हजाराची लाच घेतांना जळगाव एसीबीने रंगेहाथ पकडण्याची घटना ताजी असतानाच मुक्ताईनगर तालुक्यातील काकोडा येथील तलाठ्यासह 2 खाजगी पंटरांना 5 हजारांची लाच घेतांना जळगाव एसीबीने ताब्यात घेतले आहे. जळगाव लाचलूचपत प्रतिबंधक विभागाने लागोपाठ केलेल्या कारवाईमुळे लाचखोरांचे धाबे दणाणले आहे.
यातील तक्रारदार यांचे आजोबा यांचे नावे कुऱ्हा ता. मुक्ताईनगर येथे शेत गट क्र.167/18 असा असुन तक्रारदार यांचे आजोबा हे सन 1997 मध्ये मयत झाले आहे. तेव्हा पासुन तक्रारदार यांचे वडील, काका, आत्या व मयत काकांच्या मुलांचे यांचे 7/12 उताऱ्यावर नाव लावणे बाकी होते. त्यासाठी तक्रारदार यांनी मागील 7 ते 8 दिवसापूर्वी कुऱ्हा गावातील तलाठी याची भेट घेतली असता यातील प्रशांत प्रल्हाद ढमाळे, तलाठी, सजा काकोडा ता. मुक्ताईनगर, यांनी तक्रारदार यांना तुम्हाला प्रत्येक वर्षाचे 220 रुपये या प्रमाणे 6000 रुपये शासकीय फी भरावी लागेल, जर तुम्हाला शासकीय फी भरायची नसेल तर मला 5000 रुपये द्यावे लागतील असे सांगितले होते त्या बाबत यातील तक्रारदार यांनी दिनांक 01/01/2025 रोजी लाचलूचपत प्रतिबंधक विभाग जळगांव घटकांकडे तक्रार दिली होती.
सदर तक्रारीची दिनांक 01/01/2025 रोजी पडताळणी केली असता यातील प्रशांत प्रल्हाद ढमाळे, तलाठी, व अरुण शालीग्राम भोलानकार, खाजगी पंटर यांनी तक्रारदार यांचे 7/12 उताऱ्यावर त्याचे वडील, काका, आत्या व मयत काकाच्या मुलाचे नाव लावण्याचे मोबदल्यात 5000/-लाचेची मागणी केली होती.त्यानंतर आज दिनांक 08/01/2025 रोजी सदर लाच रक्कम अरुण शालीग्राम भोलानकार, खाजगी पंटर यांचे सांगणे वरून संतोष प्रकाश उबरकर , खाजगी इसम यांनी 5000 रुपये लाच रक्कम स्वतः स्विकारताना त्यांना रांगेहाथ पकडण्यात आले असून त्यांचेवर मुक्ताईनगर पोलीस ठाणे येथे गुन्हा दाखल करण्याची प्रक्रिया चालू आहे.
सदर कारवाई लाचलूचपत प्रतिबंधक विभागाचे पोलीस उपअधीक्षक योगेश ठाकूर, पोलीस निरीक्षक नेत्रा जाधव,पोकॉ/प्रदिप पोळ,पोकॉ/प्रणेश ठाकूर,पोकॉ/सचिन चाटे यांनी केली.
ईतर महत्वाच्या बातम्या
3 हजारांची लाच कुसुंब्याचा तलाठी ACB च्या जाळ्यात..
MIDC पोलिसांची सागर लॉजवर धाड ६ महिला व १ पुरुष ताब्यात मालक पसार….
