अमळनेरगुन्हेगारी

अमळनेर तहसील कार्यालयातून चोरलेल्या ट्रॅक्टर चोरीचा गुन्ह्याचा २४ तासात उलगडा..

अमळनेर – महसुल विभागा कडून लक्ष्मण शांतीलाल भिल याचे अवैध वाळूने भरलेले ट्रॅक्टर ट्रॉलीसह कारवाई करीता अमळनेर तहसील कार्यालयात लावण्यात आले होते. दिनांक १४/०१/२०२५ रोजी कोणीतरी अज्ञात व्यक्तीने अमळनेर तहसील कार्यालयातून वाळूने भरलेले ट्रॅक्टर ट्रॉली हे चोरून नेले त्याबाबत अमळनेर पो.स्टे.ला गुन्हा दाखल करण्यात आला होता.

स्थानिक गुन्हे शाखा जळगाव कडील पथकास अमळनेर पो.स्टे.ला नोंद या गुन्ह्यातील चोरीस गेलेले ट्रॅक्टर हे मालक लक्ष्मण भिल याचा लहान भाऊ कमलेश उर्फ कल्पेश भिल रा. मोहाडी ता. जि. धुळे यानेच चोरून घेवून गेला असल्याची खात्रीशीर बातमी मिळाल्याने मोहाडी गावात जावून कमलेश उर्फ कल्पेश भिल याचा शोध घेवून त्यास ताब्यात घेतले.

त्यावेळी त्याचे नाव गाव विचारले असता त्याने त्याचे नाव कमलेश उर्फ कल्पेश शांतीलाल भिल, वय २०. रा.मोहाडी ता.जि.धुळे असे सांगीतल्याने त्यास विश्वासात घेवून विचारपुस करुन त्याचे कडून १,६३,०००/- रु. कि.चे निळया रंगाचे स्वराज कंपनीचे ट्रॅक्टर व ट्रॉली अर्धा ब्रास रेतीने भरलेली असे जप्त करून त्यास गुन्ह्याचे पुढील तपासकामी अमळनेर पो.स्टे.चे ताब्यात देण्यात आले आहे.

सदरची कारवाई डॉ महेश्वर रेड्डी, पोलीस अधीक्षक, जळगाव, कविता नेरकर, अपर पोलीस अधीक्षक, चाळीसगाव,  बबन आव्हाड, पोलीस निरीक्षक, स्थागुशा जळगाव यांचे मार्गदर्शनाखाली सदरची कारवाई ही पोह संदिप पाटील, गोरख बागुल, प्रविण मांडोळे, राहुल कोळी सर्व नेम. स्थागुशा जळगाव अश्यांनी केली आहे.

बातमी शेअर करण्यासाठी खाली क्लिक करा

Yogesh Chaudhari

सदर न्युज वेबपोर्टल हे जळगाव येथून संपूर्ण महाराष्ट्र राज्यात प्रसारित होते. या ऑनलाइन न्युज पोर्टलमध्ये प्रसिद्ध झालेल्या मजकुराशी संपादक मंडळ सहमत असेलच असे नाही (जळगाव न्यायक्षेत्र) Mo. 8668472226

Related Articles

Leave a Reply

Your email address will not be published. Required fields are marked *

Back to top button
बातमी कॉपी करणे हा कायद्याने गुन्हा आहे