जामुनझीरा येथे कर्मवीर आर यू संस्थेतर्फे आदिवासी बांधवांची आरोग्य तपासणी करून १०६ रुग्णांना मोफत औषधी वाटप..
यावल दि.७ ( सुरेश पाटील ) – सातपुडा डोंगरातील जामुनझीरा या आदिवासी गावात मोहराळे ग्रामपंचायत आणि कर्मवीर आर यु संस्थेच्या संयुक्त विद्यमाने आरोग्य तपासणी शिबिर संपन्न झाले एकूण १०६ आदिवासीची मोफत आरोग्य तपासणी करून मोफत औषधी वाटप करण्यात आली.
आरोग्य तपासणी शिबिराचे उद्घाटन सरपंच भावना भरत महाजन यांच्या हस्ते करण्यात आले. यावेळी सरपंच भावना महाजन उपसरपंच,प्रमोद महाजन,यशवंत पाटील यांच्यासह ग्रामपंचायत सदस्य तसेच अखिल तडवी जहांगीर तडवी,राजीव तडवी,गौरव सोनवणे,तडवी,पोलीस पाटील बिलालसिंग बारेला यांच्या हस्ते मोफत औषधी वाटप करण्यात आली.डॉक्टर अजय चौधरी, डॉक्टर धांडे यांनी आदिवासी बांधवांची आरोग्य तपासणी केली. जामुनझीरा आदिवासी गाव असून सातपुडा पायथ्याशी आहे. या ठिकाणी आदिवासी बांधवांना आरोग्य सेवेसाठी अनेक अडचणी निर्माण होत असल्याने मोफत आरोग्य तपासणी घेण्यात आली. यासाठी ग्रामीण विकास अधिकारी राजू महाजन,अब्दुल तडवी,सलीम तडवी यांचे अमोल सहकार्य लाभले यावेळी संस्थेचे अध्यक्ष अशोक अडकमोल यांनी मार्गदर्शन केले
