भुसावळ – पोलीस स्टेशनच्या दोघ सहा. फौजदा्रांसह खाजगी पंटरला 2 हजाराची लाच घेतांना जळगाव एसीबीने पकडले असून बाळकृष्ण मुकुंदा पाटील सहाय्यक फौजदार,आत्माराम सुधाम भालेराव, सहा फौजदार, दोघ नेमणूक भुसावळ तालुका पोलीस स्टेशन व ठाणसिंग प्रतापसिंग जेठवे खाजगी पंटरअसे त्यांचे नाव आहेत
यातील तक्रारदार यांचे विरुद्ध खामगांव कोर्ट जि बुलढाणा येथे कलम 138 प्रमाणे चेक बाऊन्स ची केस दाखल आहे. त्यानंतर तक्रारदार यांचे विरुद्ध कोर्टाने अटक वॉरंट काढले होते . सदर वॉरंट मध्ये अटक न करण्यासाठी व अटक वॉरंट कन्सल करण्याची मुदतवाढ देण्याचा मोबदल्यात यातील बाळकृष्ण मुकुंदा पाटील सहाय्यक फौजदार भुसावळ पोलीस व आत्माराम सुधाम भालेराव, सहा फौजदार, भुसावळ तालुका पोलीस स्टेशन यांनी 5000/- रुपये लाचेची मागणी केली होती त्याबाबत तक्रारदार यांनी दि . 21/08/2025 रोजी ला प्र विभाग जळगांव येथे तक्रार दिली होती . सदर तक्रारी प्रमाणे लाचमागणी पडताळणी केली असता यातील बाळकृष्ण मुकुंदा पाटील सहाय्यक फौजदार भुसावळ पोलीस व आत्माराम सुधाम भालेराव, सहा फौजदार, (भुसावळ तालुका पोलीस स्टेशन) यांनी पंचासमक्ष 2000/- रुपये लाचेची मागणी केल्याची निष्पन्न झाले . त्याप्रमाणे आज रोजी सापळा असता बाळकृष्ण मुकुंदा पाटील सहाय्यक फौजदार भुसावळ पोलीस यांचे सांगणेवरून ठाणसिंग प्रतापसिंग जेठवे, खाजगी पंटर यांनी लाचेची रक्कम स्वीकारली म्हणून यातील तीन ही आरोपींना ताब्यात घेण्यात आले असून त्यांच्या विरुद्ध भुसावळ तालुका पोलीस स्टेशन येथे गुन्हा दाखल करण्याची प्रक्रिया सुरू होती.
सदर कारवाई
जळगांव ला.प्र.वि. चे पोलिस उप अधीक्षक, योगेश ठाकूर,हेमंत नागरे पोलीस निरीक्षक, पोउपनिरी सुरेश पाटील,चालक,पोहेकॉ किशोर महाजन,पोना बाळु मराठे,पोकॉ प्रदिप पोळ,पोकॉ/ भुषण पाटील,पो. कॉ/ प्रणेश ठाकूर यांनी केली.
