हरिपूरा आश्रमशाळा येथे वन्यजीव सप्ताह २०२४ च्या निमित्ताने “मानव-वन्यजीव संघर्ष निवारण” तसेच “वने व वन्यजीव”जन जागृती सभेचे आयोजन….

जळगाव – दि.०२ रोजी, हरिपूरा आश्रमशाळा (यावल पश्चिम रेंज) (यावल वन विभाग यावल, जळगाव) येथे वन्यजीव सप्ताह २०२४ च्या निमित्ताने “मानव-वन्यजीव संघर्ष निवारण” तसेच “वने व वन्यजीव” या बाबत यावल पश्चिम रेंज (यावल वन विभाग यावल, जळगाव) व वाईल्ड ल्यॅंड्स कंझर्वेशन फाऊंडेशन नागपूर यांच्या संयुक्त विद्यमाने जन जागृती सभा घेण्यात आली.

यामध्ये यावल पश्चिम वन परिक्षेत्र अधिकारी सुनिल भिलावे यांनी कर्तव्य व जंगलाचे रक्षण करताना आलेले अनुभव सांगितले तसेच वाघ व कॅमेरा ट्रॅप ची माहिती दिली. यावेळेस वाईल्ड ल्यॅंड्स कंझर्वेशन फाऊंडेशन चे संस्थापक अजिंक्य भांबुरकर यांनी वन्यजीव सप्ताह कधी सुरू करण्यात आला व त्याचे उद्देश कायव मानव-वन्यजीव संघर्ष म्हणजे काय?, गाव व जंगल ची भौगोलिक स्थिती कशी आहे, जंगल कस कमी होत चालले आहे, आपण जंगलावर कसे निरभर आहोत, वाघ-बिबट च्या हालचाली व सवई काय आहेत, कुठल्या स्थिती मध्ये वाघ-बिबट मानवावर हल्ला करतो व मानव-वन्यजीव संघर्ष होऊ नये यासाठी चे उपाय सांगण्यात आले.

१) नाले, पाणवठे, ठंडावाच्या ठिकाणी जाण्यास टाळावे

२) ज्या ठिकाणी वाघ-बिबट चे ठसे आढले त्या ठिकाणी जाण्यास टाळावे

३) अचानक पणे वाघ-बिबट समोर आल्यास त्या कडे पाठ न करता

४) हळूहळू मागे सरकून सुरक्षित अंतर ठेवावे

५) वाघ-बिबट शेतात गाव परिसरात आढळून आल्यास त्याचा पाठलाग करू नका व घेरू नका

आज जर मानव-वन्यजीव संघर्ष टाळायचा असेल तर विद्यार्थी, शिक्षक व स्थानिक लोकांचा सहभाग अत्यावश्यक आहे व सहजीवन अवलंबले तर हा संघर्ष सहज टाळता येईल.

वरील वन्यजीव सप्ताह २०२४ जनजागृतीचा कार्यक्रम उपवनसंरक्षक जमिर शेख (भा.व.से) ( यावल वन विभाग, जळगाव),  सहाय्यक वनसंरक्षक समाधान पाटील (मा.व.से) ( यावल वन विभाग, जळगाव) यांच्या मार्गदर्शनाखाली पार पडला. तसेच आश्रम शाळा हरीपुरा मुख्याध्यापक साईदाथ पवार,वर्ग शिक्षक व विद्यार्थी,वनपाल हरीपुरा संजय इंडे, वनपाल जामन्या दिपक परदेशी, वनरक्षक अशरफ तडवी, सुधीर पटणे, योगेश सोनवणे, अक्षय रोकडे, योगेश मुंडे, रवीकांत नगराळे, दिपक चव्हाण, विलास तडवी उपस्थित होते.

ईतर महत्वाच्या बातम्या

१ हजाराची लाच भोवली, तलाठ्यासह खाजगी पंटर ACB च्या ताब्यात..

जिल्ह्यात इफको लि. मार्फत १२ तालुक्यात फवारणी करिता किसान ड्रोन उपलब्ध.. 

अवैधरित्या वाहनांमध्ये घरगुती गॅस भरणारा Lcb च्या ताब्यात..