जिल्हा परिषद प्राथमिक मराठी शाळा देवूळगाव येथे शाळा पूर्वतयारी मेळावा उत्साहात साजरा

देवुळगाव (प्रतिनिधि) – येथील जिल्हा परिषद प्राथमिक मराठी शाळा देऊळगाव येथे शुक्रवारी दि.19 एप्रिल 2024 रोजी शाळा पूर्वतयारी पहिला मेळावा घेण्यात आला .सकाळी गावात प्रवेश दिंडी काढण्यात आली.त्यानंतर मुख्याध्यापक श्री जे के लोखंडे सर व शाळा व्यवस्थापन समितीचे अध्यक्ष श्री सूनीलभाऊ माळी यांनी विद्यार्थी व पालकांना गुलाब पुष्प व खाऊ देवून स्वागत केले.शाळा पूर्वतयारी मेळाव्यात पहीलीचे नवीन विद्यार्थी यांची नावं नोंदणी, वजन – उंची , शारीरिक विकास, बौद्धिक विकास,सामाजिक व भावनात्मक विकास,भाषा विकास ,गणन पूर्व तयारी , साहित्य वाटप व पालकांना जि प चा शाळेमध्ये प्रवेश घेण्याबाबत मार्गदर्शन करण्यात आले. याप्रसंगी ग्रामपंचायत उपसरपंच श्री नीरजभाऊ ठाकूर , माजी ग्रामपंचायत सरपंच श्री नीतू भाऊ ठाकूर , सेवानिवृत्त शिक्षक श्री चिमण तडवी सर व इतर ग्रामपंचायत सदस्य तसेच शाळा व्यवस्थापन समितीचे अध्यक्ष श्री सूनिलभाऊ माळी व सदस्य यांच्यासह अंगणवाडी सेविका व मदतनीस इयत्ता पहिली प्रवेश पात्र विद्यार्थ्यांचे पालकांची उपस्थिती होती.हा मेळावा यशस्वी करण्यासाठी शाळेतील शिक्षिका श्रीमती सुनिता घंटेवाड मॅडम , अश्विनी कांबळे मॅडम , वैशाली निसर्गन मॅडम ,कोमल इंगळे मॅडम व प्रतिक्षा मोघे मॅडम या शिक्षक भगिनींनी परिश्रम घेतले.