देशातल्या ‘या’ नेत्याने नाकारले राम मंदिराच्या उद्घाटन सोहळ्याचे निमंत्रण, कारण वाचून तुम्हालाही होईल आश्चर्य
सिटी महाराष्ट्र न्यूज | अयोध्येत उभारण्यात आलेल्या भव्य श्रीराम मंदिराचे उद्घाटन २२ जानेवारीला होणार आहे. या सोहळ्याची भव्य तयारी सुरू असून लाखो भाविक या सोहळ्याला उपस्थित राहणार आहेत. तसेच या सोहळ्याला पंतप्रधान नरेंद्र मोदी, उत्तर प्रदेशचे मुख्यमंत्री योगी आदित्यनाथ आणि ६ हजारहून अधिक देशातील महत्वाचे नेते उपस्थित राहण्याची शक्यता आहे. देशभरातील महत्त्वाच्या सेलिब्रिटी व्यक्ती, राजकारणी आणि संतमहंतांना यासाठी निमंत्रण देण्यात आले आहे.
या अभूतपूर्व सोहळ्यात उपस्थित राहण्यासाठी सर्वजण उत्सुक असले तरीही पश्चिम बंगालमधील एका ज्येष्ठ नेत्याने या सोहळ्याचे निमंत्रण मिळूनही उपस्थित राहणे नाकारले आहे. पश्चिम बंगाल मधील सीपीआय (एम) चे सरचिटणीस सीताराम येचुरी यांनी २२ जानेवारीला अयोध्येतील राम मंदिराच्या उद्घाटनाला उपस्थित राहण्याचे निमंत्रण मिळाले असून त्यांनी हे निमंत्रण नाकारले आहे.
निमंत्रण नाकारण्याचे नेमके ‘हे’ आहे कारण
सीपीआय(एम) पक्षाने एका निवेदनाच्या माध्यमातून आपली भूमिका मांडली आहे. मंगळवारी २६ डिसेंबर रोजी जारी केलेल्या निवेदनात म्हटले आहे की, धर्म हा वैयक्तिक निवडीचा विषय आहे. त्यामुळे निमंत्रण मिळूनही ते या कार्यक्रमाला उपस्थित राहणार नाहीत. धर्म हा वैयक्तिक निवडीचा विषय आहे, ज्याचा वापर राजकीय फायद्यासाठी केला जाऊ नये. पोस्टमध्ये असेही लिहिले आहे की, भाजप आणि आरएसएसने एका धार्मिक कार्यक्रमाचे सरकारी कार्यक्रमात रूपांतर करणे दुर्दैवी आहे, ज्यामध्ये पंतप्रधान, उत्तर प्रदेशचे मुख्यमंत्री आणि इतर सरकारी अधिकारी थेट सहभागी होत आहेत. भारतात राज्यकारभाराचे मूळ तत्त्व आहे. राज्यघटनेनुसार भारतात राज्यकारभाराला कोणताही धार्मिक संबंध नसावा. असे मत व्यक्त करत हे निमंत्रण फेटाळण्यात आले आहे.
